Plantun de Prouvènço

Pèr coumpara dos planto d'encò nostre

Gentiana lutea & Thymelaea hirsuta

Genciano

Gentiana lutea

Gentianaceae

Àutri noum : Genciàna, Jansano, Sensano, Baselico.

Noms en français : Gentiane jaune, Grande Gentiane.

Descripcioun :
La genciano es uno grando erbo que trachis dins li pasquié de mountagno. I'a pas pèr s'engana, pamens s'acampas sa racino, avisas-vous que siegue pas de varaire, Veratrum album forço empouisounanto ! La genciano a li fueio óupousado au contro dóu varaire que soun alterno.

Usanço :
Es uno planto bèn couneigudo pèr èstre subretout vertuouso dins li proublèmo de digestioun. Sa racino s'emplego pèr adouba d'aigarden (coume la Suze). Se pòu bouta direitamen la racino dins de vin blanc pèr n'en faire d'aperitiéu o de digestiéu quouro sias "stoumaga". Pamens "lou vin de sensano es amar que te fa pua'n'ase pèr la chaminèio ! (in J.-L. Domenge, LMT op.cit. p. 59).

Port : Grando erbo
Taio : 80 à 150 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 5 cm
Flourido : Estiéu

Sòu : Ca
Autour basso e auto : 100 à 2200 m
Aparado : Noun
Juliet à setèmbre

Liò : Pasquié - Prado umido - Bos clar
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Gentiana lutea L., 1753

Trintanello(-bourrihudo)

Thymelaea hirsuta

Thymelaeaceae

Nom en français : Passerine hérissée.

Descripcioun :
Aquelo trintanello es un aubret que trachis sus li roucas en ribo de mar. Se recounèis à si fueio apignelado de 2 à 4 (10) mm. Li jóuini ramo soun di proun bourrihudo. Fai de pichòti flour jauno de 2 à 4 mm emé quatre petalo.

Usanço :
Planto empouisounanto que caup de diterpène. Pòu douna de reacioun enflamativo grèvo emé la péu, la bouco e lis iue. Èi peréu cancerogèno.

Port : Aubret
Taio : 30 à 100 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Thymelaea
Famiho : Thymelaeaceae

Ordre : Malvales

Coulour de la flour : Jauno
Petalo : 4
Ø (o loungour) flour : 2 à 4 mm
Flourido : Printèms Ivèr

Sòu : Ca
Autour basso e auto : 0 à 50 m
Aparado : Vo
Remarco : Meno aparado
Óutobre à abriéu

Liò : Mar - Relarg à jóuinis aubret - Roucas
Estànci : Termoumediterran à Mesoumediterran
Couroulougi : Estenoumediterrano
Ref. sc. : Thymelaea hirsuta (L.) Endl., 1847

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gentiana lutea & Thymelaea hirsuta

ges

Coumpara Genciano emé uno autro planto

Coumpara Trintanello(-bourrihudo) emé uno autro planto